Түйінді сөздер:
STEM технологиясы, физика, тәжірибе, сыни ойлау, шығармашылық, креативтілік

Аңдатпа:
STEM технологиялары көптеген елдерде, соның ішінде Қазақстанда, заманауи білім берудің
іргелі құрамдас бөлігіне айналды. Бұл жүйе білім алушыларға өзгермелі әлемге тез бейімделуге,
сондай-ақ күрделі мәселелерді шешуге қажетті дағдылар мен білімді меңгеруге мүмкіндік береді.
Бірқатар елдер STEM білім беруді белсенді түрде дамытып, оған басымдық береді. Мысалы,
АҚШ-та STEM мектептері мен бағдарламалары кең таралып, танымал болды. Оқушылар STEM
дағдыларын дамытуға ықпал ететін зертханаларға, компьютерлік технологияларға, инженерлік
жобаларға және басқа да білім беру ресурстарына қол жеткізе алады. STEM білім беру жүйесінде
Финляндия мен Сингапур да ерекше орын алады.
Қазақстан да әлемдік трендтерді ұстанып, мектептерде STEM технологияларын белсенді түрде
енгізуде. «Нұрлы жол» ұлттық білім беру бағдарламасы STEM білім беруді дамытуға ерекше
көңіл бөледі. Қазақстанда STEM білім беруді табысты іске асырудың жарқын мысалдарының бірі
– «Назарбаев Зияткерлік мектептері» жобасы. Бұл мектептер STEM технологияларын қолдана
отырып, жоғары сапалы білім береді және жетекші университеттер мен ғылыми орталықтармен
бірлесіп әзірленген оқу бағдарламаларын ұсынады.
Бұл мақалада физика сабақтарында STEM технологияларын қолдану арқылы оқушылардың
қызығушылығы мен танымдық белсенділігін арттыру мүмкіндіктері қарастырылады.