Түйінді сөздер:
NDVI/EVI, биоалуантүрлілік, мониторинг, қашықтықтан зондтау, қалалық жасыл аймақтар,
экожүйелік қызметтер.

Аңдатпа:
Бұл мақалада қала жасыл аймақтарының биоалуантүрлілігін қашықтықтан
зондтау деректері негізінде бағалау мәселесі қарастырылады. Зерттеу мақсаты –
NDVI және EVI вегетациялық индекстерінің көрсеткіштерін флористикалық
биоалуантүрлілік индикаторларымен салыстыру және олардың өзара байланысын
анықтау.
Зерттеу материалдары ретінде Sentinel-2 MSI жерсеріктік суреттері (2024 ж.
жазғы маусым) және іріктелген сынақ алаңдарынан алынған далалық бақылаулар
қолданылды. Әдістемелік тұрғыда GIS технологиялары, Шеннон индексі, корреляциялық
және регрессиялық талдау әдістері пайдаланылды.
Зерттеу нәтижелері NDVI индексінің Шеннон индексімен жоғары корреляцияда
екенін (r ≈ 0,81) көрсетті. Сонымен бірге EVI индексі атмосфералық жағдайлар мен
топырақ фонына анағұрлым тұрақты екендігі анықталды. Қала парктерінде NDVI/EVI
мәндері жоғары, ал индустриалды аймақтарда төмен көрсеткіштер байқалды.
Қорытындысында NDVI және EVI индекстерін қалалық жасыл аймақтардың жай-
күйін жедел бағалау құралы ретінде қолдануға болатыны дәлелденді. Дегенмен,
толыққанды мониторинг үшін жергілікті флористикалық зерттеулерді спутниктік
деректермен үйлестіру қажет.