Түйінді сөздер
Мәтінмен жұмыс, тілдік дағдылар, тыңдалым, айтылым, оқылым, жазылым, функционалдық
сауаттылық, сыни ойлау, мәтінді талдау, коммуникативтік құзыреттілік.

Аңдатпа
Мақалада мәтінмен жүйелі жұмыс ұйымдастыру арқылы оқушылардың тыңдалым,
айтылым, оқылым және жазылым дағдыларын кешенді дамыту жолдары қарастырылады.
Мәтінді тек ақпарат көзі ретінде емес, оқушының тілдік, танымдық және
коммуникативтік әрекетін ұйымдастыратын негізгі оқу құралы ретінде қолданудың
маңызы негізделеді. Оқушылардың мәтіннің тақырыбы мен негізгі ойын анықтау,
құрылымын талдау, негізгі және қосымша ақпаратты ажырату, автор көзқарасын түсіну,
өз пікірін дәлелдеу және әртүрлі жанрда мәтін құрастыру дағдыларын қалыптастыруға
бағытталған әдістер ұсынылады. Авторлық тәжірибеде қолданылатын «Мәтіндер
каруселі», «3 мәтін – 3 тапсырма», «Мәтін жазу станциясы» сияқты практикалық
тәсілдер сипатталып, интернет мәтіндерімен, аудио және бейнематериалдармен жұмыс
үлгілері беріледі. Мәтінмен жұмысты оқылым, жазылым, айтылым және тыңдалым
әрекеттерімен өзара байланысты ұйымдастыру оқушылардың функционалдық
сауаттылығын, сыни ойлауын және тілдік дербестігін дамытуға мүмкіндік беретіні
көрсетіледі.